Igihuha gusa gusa : Ngo u Rwanda ruri ku mwanya wa 7 mu bihugu bicunzwe ku isi da!

Inkuru imaze iminsi icicikana kuri murandasi n'imbuga nkoranyambaga, ngo ni uko u Rwanda rwaba ruri ku murongo wa 7 mu bihugu bicunzwe neza kwi'si! Huuum! Umuntu yakwibaza abakoze iyi raporo aho bayikoze bicaye!

iyi nkuru yasohotse mu kunyakamakuru cyitwa Ecofin (mushobora kuyisoma hano : http://www.agenceecofin.com/gouvernance/1507-30681-le-rwanda-est-le-7eme-pays-le-mieux-gere-de-la-planete-selon-le-world-economic-forum) mbere y'uko ikwirakwiza n'imizindaro y'ingoma ya Kagame. Ariko iteye ibibazo :

Ecofin, ivuga ko yabikuye muri raporo ya Wordl Economic Forum (http://www.weforum.org/). Uretse umuntu ayishaka kuri iyo WEF ntayibone. Kandi na Ecofin ubwayo, ntiyigeze irangira abasomyi aho bashobora kuyisanga.

Ikindi gitaganje, ni uburyo iyi raporo isohotse bucyeye bw'aho Paul Kagame n'inkomamashyi ze ngo n'ingirwantumwa za rubanda, baraye bokoze kudeta y'itegekoshinga.

Ariko sibyo gusa: yaba Ecofin, cya World Economic Forum ni ibigo byigenga. Ni ukuvuga ko bigurisha serivisi z'ibihuha zisabwa n'ibihugu. Nta gaciro na kamwe umuntu agomba kubiha kuko atari ibigo bigizwe n'impuguke zikorera ibigo mpuzamahanga.

Umuntu afashe nka Ecofin, ni ikinyamakru gikora nka Jeune Afrique : ubaha amafaranga bagatangaza ibyo ushaka. Ndetse batangaza ibyo ubahaye. Nta perereza n'itaramakuru bya kinyamakuru nyine, birushya bakora.

Banyarwanda rero ntimugwe mu mutego : iyi nyandiko iravuga raporo itarigeze ibaho. N'ubwo yaba yarabayeho, abanyarwanda birirwa ku nkeke ya FPR-Inkotanyi na Kagame, bazi agaciro bayiha. Mu by'ukuri, biragaragara ko iki ari gihuha cyakwirakwijwe na Ecofin iguriwe n'ingoma y'ikinyoma, kugirango icyo gisa n'inkuru nziza giherekeze kudeta y'itegekonshinga Kagame yari amaze gukora.

Ubwanditsi

Retour à l'accueil